Afhverju gagnrýnir fólk þessa girðingu?

Svo heyrist ekkert um þessa sem er öllu alvarlegri finnst mér. 

Ég hef nefnt þetta við  Jón Halldórsson en hann heldur áfram að gagnrýna girðinguna í plássinu. Mér finnst þetta ekki rétt það eiga allir að sitja við sama borð í þessum efnum.

Ég vil samt taka það fram að ég skil það mjög vel að menn vilji  loka svona að sér ef menn vilja en það verður sama yfir alla að ganga.

Svo að öðru var ekki umræðan á Hólmavík í vetur að hreppurinn byggði íbúðir til þess að leigja út vegna húsnæðisskorts ? En núna eru þeir búnir að auglýsa Asturtún 8 til sölu. Hvað er eiginlega í gangi þarna ? Ég vona svo sannarlega að menn séu ekki að fara illa með það sem þeim er treyst fyrir. Svoleiðis fylgir mönnum alla tíð og eru því miður nokkur dæmi þess. 

En allt eru þetta spurningar um siðferði sem menn ættu að taka til sín, því ef þetta er rétt er það leiðinlegt.  

Þá er ég hálfnaður með áramótaheitið kominn með 50 ferðir á Akrafjall. Ég er búinn að vera að reyna að blogga í dag en það hefur þurrkast út jafnharðan  svo þetta verður að duga.

Endilega skoðið síðuna herdis.is kannski er einhver sannleikur þar og valkostur fyrir þau okkar sem vilja óháðan frambjóðanda. kv. Árni Magnús

Það er búið að vera nóg að gera um helgina.Laugardagurinn fór í það að fara uppá Snæfellsjökul og  á sunnudagurinn  fór ég á Geirmundartind.

Ferðin á jökulinn var mjög góð, þetta var mest fólk sem vinnur hjá Norðurál og svo komu nokkrir gestir líka. Það eru fullt af myndum af ferðinni á síðunni  utogvestur.is 

Ég hef ekki verið að ganga svona í hóp þar sem er vanur leiðsögumaður og það er óhætt að mæla með því. Ætli ég reyni ekki að fara fleiri svona ferðir í framtíðinni. Þegar við komum þarna vestur var norðaustan kaldi og napur vindur þannig að ég ákvað að klæða mig mjög vel og tók lopapeysu með til öryggis þrátt fyrir það að það væri léttskýjað og ég sá svo sannarlega ekki eftir því. Því þegar komið var upp var mikið frost og vindur þannig að manni kólnaði hratt. En ég mæli með því að fólk fari í ferðir þarna upp með Jóni jóel,  en hann starfar hjá fyrirtækinu Út og vestur.

Seinnipartinn í gær fórum við í bæinn og kíktum í nýju verslunina, það var margt fólk þarna og við stoppuðum stutt, því mér leiðist það að vera innanum svona margt fólk og það eru svo margir sem eru  tillitslausir gagnvart öðrum. Jæja en maður hefur sem betur fer val þannig að maður getur farið þegar maður vill. Svo kýktum við til Steina og Svölu þau eru búin að koma sér ágætlega fyrir í nýju íbúðinni, ekki að spyrja að kraftinum í þeim.

Má ekki vera að þessu lengur og farið vel með ykkur.

Fór í dag uppá Snæfellsjökul.Skrifa meira á morgun

Þennan bát eru þeir Sæbjargar menn að kaupa, þeir frændur mínir Guðmundur og Jónas.  

Ég veit í sjálfu sér ekki mikið meira um þetta. Og það er vonandi að þetta gangi vel hjá þeim  kannski yrði það til þess að fleiri færu út í það að fá sér stærri báta. Mér hefur alltaf fundist það öfugþróun þessi trillu útgerð.Betra að hafa stærri og öflugri skip og afkasta meiru og mun öruggari.

Er að horfa á fréttirnar og alltaf verð ég jafn pirraður þegar þeir félagar Bjarni og Sigmundur tjá sig um hrunið,  uppbygginguna og gagnrýna  ríkisstjórnina af því að þeim finnst ekki ganga nógu vel.

En þetta lítur svona út fyrir mér Flokkar þessara manna voru búnir að vera búnir að leika sér með eldspýtur í mörg ár og á endanum kviknaði í öllu draslinu. Allir vita hverjum er um að kenna en um að gera að benda á einhvern annan. Þegar uppbygging hefst aftur verður að byrja á því að hreinsa til og byrja frá grunni .Það er óhjákvæmilegt að þetta verði dýrt og tímafrekt 

Þó ég sé alls ekki sáttur við ríkisstjórnina og hvernig þau forgangsraða verða þau að klára verkið.
Svo skil ég ekki skoðanakannanir er bara hringt í flokksbundna Sjálfstæðismenn þetta er svo mikið útúr kú. Það getur ekki verið að fólk hafi ekki lengra minni en þetta. Allavega þetta er eitthvað skrýtið.
 Svo þetta með forseta kosningarnar ætlar fólk virkilega að kjósa sjónvarpsstjörnu sem forseta, er fólk ekkert að kanna hvað aðrir standa fyrir áður en það lætur skoðun sína í ljós.

Stundum veit maður ekki  hvernig á að haga sér og verður vandræðalegur.

En þau eru ekki í vandræðum með að láta mynda sig.

Nokkrar myndir í viðbót inni á albúminu.

Ég var að setja inn nokkrar myndir sem ég hef verið að taka á símann í vetur myndgæðin eru svona og svona en allt í lagi. 

Ég skrifa einhverntíma athugasemdir við þær.

Annars er lítið að frétta ég tognaði illa um daginn en er búinn að jafna mig, komst á Geirmundartind í dag eftir 12 daga hlé og fann ekkert til sem betur fer.  Það eru komnar 41 ferð á fjallið á árinu þannig að þetta gengur bara vel.

Farið vel með ykkur, 

Þetta er svona dagur milli næturvakta sem ég kalla ónýtann dag, þannig séð hann fer í svefn og höfuðverk og bið eftir seinni vaktinni. En svona er þetta ég verð kominn í frí á morgun. Fjórir dagar sem ég verð að nýta vel, því eftir næstu törn fer ég í vetrarfrí. Og uppúr því verður vonandi komin betri tíð og fleiri fjöll sem hægt er að troða á með skítugum skónum. Ég er byrjaður að skoða í bókum og landakortum fjöll og gönguleiðir sem ég ætla að fara í sumar en það verður sennilega farið víðar en undanfarin ár. En samt ætla ég ekki að missa mig í þessu frekar en öðru.
Það fer að styttast í fjölgun í fjölskyldunni og það verður gaman að því, kannski að  strákarnir þvælist eitthvað með afa sínum í sumar, en það er eftir að ræða.
 

Kristín verður fullorðin eftir tíu daga og ég er alveg lens hvað á að gefa henni. Hvað gefur maður eiginlega konu sem á mann eins og mig, hvers þarfnast hún eiginlega meira ? DJÓKUR

Jæja var að spá i að þurrka þetta út en læt það vera. Kannski koma einhverjar hugmyndir.

Í stóriðjuskólanum er verið að kenna á tölvur og ég er ekki góður í því fagi, er ekki með þolinmæði í þetta en samt síast eitthvað inn í heilagrautinn og þar blandast það öðru, en þetta er allt að koma.
Þetta er nóg í bili farið vel með ykkur.

Ég hef ekki komist hjá því að að heyra umræðurnar hvort Ólafur bjóði sig fram í sumar eða ekki. Hvað mig snerti taldi ég að hann hefði sagt í nýársávarpinu að hann ætlaði ekki í framboð. En svo fóru menn að túlka orðin hans út og suður þannig að maður var orðinn hálf ruglaður á öllu þessu og vissi ekkert í sinn haus. Og enn heldur þetta áfram, hvað mig snertir finnst mér það ekki skipta neinu máli hvort eða hvenær hann tekur af skarið og segir af eða á hvort hann ætli í framboð. Ömurlegast í allri þessari umræðu er þegar þjóðkjörnir fulltrúar á alþingi eru að gagnrýna sitjandi forseta sem er kjörin af fólkinu í landinu. Hvernig getur þetta fólk gagnrýnt  hvort hann tekur ákvörðun fyrr eða síðar? Ég er alveg viss um það ef það kemur fram maður eða kona sem fólkið í landinu treystir betur til að gæta hagsmuna sinna gagnvart framkvæmdavaldinu en Ólafur hefur gert verður hann eða hún kosin. En meðan svo er ekki er best að Ólafur verði áfram.
Svo skil ég ekki að þingmenn í lýðræðisríki skuli ekki treysta þegnum sínum. En ástæðan fyrir þessu bloggi er að þegar ég var á leiðinni heim í morgun heyrði ég í rás 2 þar sem var verið að tala við Ragnheiði Ríkharðsdóttur og Valgerði Bjarnadóttur þar sem þær voru að gagnrýna forsetan. Þessar konur ég veit ekki fyrir hvað þær standa og mér finnst að þær hafi orðið sér til minnkunar.
Ég var einn af þeim sem skoruðu á Ólaf að bjóða sig fram aftur og meðan ekki kemur fram meiri maður eða kona til að taka við þessu embætti mun ég styðja hann. En það er örugglega til fullt af manneskjum sem geta unnið þetta starf svo vel fari.