10.05.2011 20:44

Þriðjudagur

Alveg er það frábært hvernig ég hef hagað mér. Ekkert gert undanfarna daga nema það sem mér hefur langað til. Hef stundað göngu, hjólreiðar og bílaviðgerðir svona í bland. Svo er ég búinn að vera duglegur að horfa á fótbolta í sjónvarpinu. Kannski ættu að vera verðlaun fyrir það svo maður hefði eitthvað að stefna að, þá gæti maður farið að undirbúa sig fyrir næsta tímabil. Annars er allt rólegt í kringum mig og ég stefni að því að fara norður í næstu viku og vera nokkra daga. Það er að styttast í sumarfrí hjá okkur ætli það fari ekki mest í það að lækka forgjöfina annars veit ég ekki alveg hvað við gerum lítið spáð í það ennþá.
Ég sá í gær í þættinum Ísland í dag þegar það var verið að ræða um komment sem fólk setur við fréttir hjá vefblöðunum og við bloggsíður hjá einstaklingum. Ég held að mörg af þessum kommentum séu skrifuð í hita leiksins og lítt ígrunduð enda hlítur að vera erfitt hjá þessu fólki að þurfa að lesa skítinn sem hefur runnið upp úr því daginn eftir.
En eigendur síðunnar eru þeir sem bera ábyrgð á því sem stendur þar og ef eitthvað stendur þar hlítur það að endurspegla skoðun eigandans eða er það ekki, ég held það nema hann svari því og komi sinni skoðun á framfæri. Því skoðanaskifti eru af því góða og ekkert nema gott um það að segja, en leiðinlegt ef það bitnar á þriðja aðila. Svona smáhugleiðing um ábyrgð því ekki viljum við meiða neinn, er það?

Tengill á færslu

Bæta við áliti

Sýna álit

10.05.2011 20:44

Þriðjudagur

Tenglar