Drangsneshringurinn

Við fórum á rúntinn í dag og tókum myndir. Þær skýra sig að mestu sjálfar en ég þarf að skrifa athugasemdir við eitthvað af þeim vegna þess að Lillý vill það og hún hefur oftast rétt fyrir sér.En það verður að bíða eitthvað.Myndirnar eru teknar frá Bjarnanesi að Kaldbakshorni svo á Bassastöðum og Kálfanesi. Flestar eru myndirnar frá Kaldrananesi og er ég gáttaður á umgengninni þar á þessu höfuðbóli ættarinnar og hananú drullist til að taka til og látið ekki verðmætin grotna niður og brennið hinu (Taki til sín sem eiga það) .Sorglegast er þó að sjá kirkjuna, betra hefði verið að eiga ekkert við hana en sjá hana svona sem er leiðinlegt, aldrei gengið frá neinu og leiðin í garðinum segi ekki meir.En uppbyggingin á Hóli og lagfæringarnar við sundlauginni sýna að einhver framkvæmdahugur er í fólki þarna sem er gott.