Það hefur verið frekar rólegt hérna hjá mér hérna í Skeljavíkinni. Ég ætlaði að vera byrjaður á því að slétta úr moldarhaugunum en er að bíða eftir að fá tæki til að vinna verkið. Það er ekki mín sterkasta hlið að hanga hérna aðgerðarlaus út af þessu. Og ég kann ekki við að suða í mönnum ,og nú er þannig komið ef ég hefði bara drullast til að moka þessu sjálfur með skóflunni væri ég sennilega búinn að þessu.
Ég hef annars verið að liðka golfsveifluna og það er allt á réttri leið. Og í morgun fór ég í langa göngu upp á Skeljavíkurfjall það var mjög gott gönguveður og færið var mjög gott.
