Við höfum verið að laga til og gera meira pláss í þessu litla rými hérna hjá okkur og það hefur kostað mikið meiri vinnu en maður hélt en árangurinn er ágætur finnst okkur og núna erum við hætt þessu hérna innandyra.(held ég) Á sautjánda júní fórum við á kaffihlaðborð á Sævangi og þar var mættur þriðjungur af 62 árganginum sem útskrifaðist hérna frá Hólmavík á sínum tíma vil ekki muna hvað er langt síðan. Fórum síðan rúnnt inní Kollafjörð og tók aðeins eina mynd, þ.e. af húsinu á Kollafjarðarnesi. Setti inn nokkrar myndir.

Við skelltum okkur inní Hvalfjörð í dag og gengum uppá Hvalfell. Fengum gott veður og þetta var góður dagur þó sólina vantaði.Ég setti inn tvö myndbönd og nokkrar myndir en bætti þeim í albúmið Fjöll.

Við komum suður á miðvikudag og ég beint uppá Akrafjall og ég var hræddur um að það vantaði uppá úthaldið en það var ástæðulaus ótti var 39 mínútur upp sem er gott hjá mér miðað við mótvindin sem var. Annars fórum við suðureftir í gær og kíktum á Ástu og Margeir sem voru bara hress miðað við veikindi Ástu en hún er öll að koma til eins og vanalega. Tók nokkrar myndir þegar við Margeir fórum bryggjurúnt og svo af Ástu Kristínu og Ástu Bjarnadóttur.

Höfum verið að taka til og snyrta kringum okkur þetta er að verða voðalega fínnt, nú er bara að bíða eftir góða veðrinu sem er á leiðinni.

Við komum á sunnudag hingað norður í þessari törn og það má segja það að það er búið að vera brjálað að gera við að ditta að og laga í kringum okkur og ég held að ég sé að taka þetta full alvarlega því ég næ ekki að sofa nema til 6 á morgnanna og verð að laumast um til að vekja ekki hana Kristínu sem er rólegri yfir þessu.
Við fórum í golfkennslu á mánudag og höfðum gott af því,það er nefnilega gott að fá utanaðkomandi mann sem hefur vit á þessu til að segja manni til og snúa ofanaf vitleysunum sem var nóg af.
Annars er allt gott við förum vonandi að taka því rólegar þetta er að verða fínnt hjá okkur nema plássið er of lítið og draslið flæðir út um dyrnar, verðum að sætta okkur við það í sumar. Ég þarf að fara að taka myndir til að setja hérna inn, hef ekki gefið mér tima í það en það kemur fljótlega.

Við höfum verið áskrifendur af stöð 2 og sport 2 undanfarin ár en tekið hlé yfir sumarmánuðina þar sem við erum ekki mikið að liggja yfir sjónvarpinu á sumrin.
Ég hringdi í áskriftardeildina hjá 365 föstudaginn 13.til að segja áskriftinni upp frá 1.júní en var sagt að ég væri of seinn að segja upp,ég spurði þá hvort ég gæti ekki bara átt inneign hjá þeim fram á haustið en daman sagði nei það er ekki hægt. Þannig að mér finnst að það sé verið að fara illa með mig í sambandi við þetta. En allt í lagi ég þarf ekki á þessu að halda frekar en reykja eða drekka vín og hætti bara þessu líka. Enda er kannski tímanum betur varið við eitthvað annað en sjónvarpsgláp.
Við höfum verið að borga um 10 þúsund á mánuði í þessa áskrift það gera 100 þúsund á ári á 10 árum gerir það milljón og eflaust munar um það.
Jæja annars er allt í fína á tvær vaktir eftir svo er ég kominn í sumarfrí. Og geri ráð fyrir að fara norður á miðvikudag og vera þar einhvern tíma.

Ég var fyrir norðan í þrjá daga og fékk hressilegt veður en það var fínnt ég er ánægður með hvernig  Skjólið er eftir að við tókum inn rafmagnið.Nenni annars ekki að skrifa mikið núna var að koma frá því að hjálpa Þurý við að flytja.Það aldeilis munur hjá henni að komast á eina hæð og losna við stigana.



Skyldi Gústi frændi ekki vita af þessari.




Þennan sá ég á leiðinni.Ég held það sé mikil vinna eftir í þessum.

Ég fekk Daníel í heimsókn í dag og við ákváðum að fara að kíkja á lífið og tilveruna og fórum í sveitina að kíkja á dýrin og svo fórum við aðeins niðrí fjöru þar sem Daníel smakkaði á sjónum.
Setti inn nokkrar myndir af ævintýrum okkar.

Ég skrapp norður að ná í Rauð og kom til baka í morgun. Það var slydda alla leiðina en ekkert festi á veginn.Ég fór áðan að aðstoða pabba í fjárhúsinu og tók nokkrar myndir
séð inn garðann


líst ekkert á veðrið


komið folald

Jæja þá er ég kominn í 5 daga frí og mig langar norður.En maður ætti kannski frekar að taka það rólega og stunda göngu og útiveru og hollar matarvenjur.Það spáir skítaveðri á morgun en annars held ég það verði slarkfært hina dagana til fjallgöngu. Gabríel var hjá okkur í sólarhring og meira hvað sá drengur ætlar að verða fljótur að verða fullorðinn nema maður eldist svona hratt sjálfur. Annars látiði mig vita ef einhver verður á ferðinni norður á fimmtudag eða föstudag, þarf allavega að ná í Rauð til Hólmavíkur.

Fór í göngu um nágrennið að skoða og rifja upp hvernig gönguleiðir eru kringum bústaðinn. Setti líka inn á albúmið fleiri myndir og einnig eitt myndband.



Þetta er mynd tekin fram Þiðriksvalladal.





Þetta er fórnin fyrir rafmagnið.