Gleðilegt sumar.
Við erum á þvælingi núna fram og til baka.Það er frekar blautt fyrir norðan og það er ýmislegt sem þarf að laga kringum húsið okkar til að bæta aðgengið en það kemur.
Rafmagnið er komið inn og það er sko munur þó maður sakni þess að þurfa að hlýja Stínu.Djókur.
set inn mynd af vorinu.

Hef verið að vinna í húsbílnum ef hægt er að kalla hann það alveg innréttingalaus og notaður sem timburflutningabíll er hægt að komast neðar sem bíll,en þetta kemur allt með kalda vatninu.Stefnan er tekinn að nota Rauð meira þetta árið en í fyrra.Hvað sem verður.Ég fór með hann í skoðun í dag og fékk grænan miða, nokkur atriði sem þarf að laga ekkert stórvægilegt.
Annars vorum við að spá í að seljann en ég veit ekki skoða allt.
Að öðru ef einhverjum vanntar ljósavél getiði haft samband við mig þarf að losa mig við eina gott eintak og verður sko ekki gefins.Tek mynd af henni seinna.
Farið vel með ykkur.(á kannski að segja eins og Jónas ;passiði ykkur á myrkrinu;)

Ég hef verið að velta því fyrir mér út á hvað þessar samningaviðræður milli ASÍ og SA eiga að þýða, ég get ekki skilið um hvað þessir aðilar séu að semja. Því allur málflutningur þeirra er þannig að þeir verði að vera sammála og enginn ágreiningur milli þeirra.Það eru stjórnvöld sem eru gagnaðilinn sem ég skil ekki hvers vegna má ekki breyta kvótakerfinu við hvað eru menn hræddir. Menn vissu að þjóðin á auðlindirnar og hefðu ekki átt að veðsetja fiskinn í sjónum ef þeir eru ekki borgunar menn fyrir því. Það verður alltaf að veiða fiskinn.  Óþarfi að menn sem eru hættir útgerð séu að græða á kvótabraski. Annars er það skrítið að fyrirtæki sem eru að skila hagnaði skuli ekki sjá sóma sinn í því að hækka launin hjá sínu fólki. Því er nefnilega alltaf haldið fram á tyllidögum að mannauður fyrirtækja haldi þeim uppi og sé undirstaða alls.Ég get bara ekki skilið þetta og nú á múta fólki með eingreiðslu 50.000 hver sættir sig við þetta? Við fáum þó vonandi að greiða atkvæði um samningana. En ég veit ekki hvernig þetta er, skil ekki hvernig allt er orðið og hvernig þetta gat orðið svona.
Sárast af öllu er það að það skiftir ekki máli þó skipt sé um stjórnendur í þessu þjóðfélagi, þeir eru allir eins meira segja trúðarnir í borginni umbreyttust á meðan atkvæðin voru talin í kosningunum þar. Enda er þetta ekki eðlilegt.
Ég held að við ættum að lækka launin hjá þessu fólki þannig að fólk með hugsjón og réttlætistilfinningu nái að komast að og koma sínu fram.Það verður að fara að koma fólk fram sem hefur einlægan á huga að bæta lífskjörin hérna,Því það eru nógir peningar til, þeim er bara svo misskipt milli fólks.
Farið svo vel með ykkur það gerir það enginn betur en þið sjálf.

Fórum norður um helgina ætluðum að taka það rólega en nóg að gera. Það var enn klaki í jörð kringum húsið okkar og vatnið freðið. Þannig að ég þarf að gera eitthvað til þess að koma í veg fyrir það í framtíðinni annars var þetta mjög fínnt og gott að vera þarna í kyrrðinni.Við heimsóttum helstu staði og fórum í göngu upp í borgir en Kristínu finnst það fíluferð norður ef hún kemst ekki að kvitta í bókina sem er þar.Það var spennandi ferð suður á sunnudaginn hífandi rok og það tók verulega í bílinn á leiðinni bara gaman fannst mér en ekki allir sammála um það.Förum sennilega aftur norður eftir næstu helgi en sjáum til með það.

Jæja þá er skráningunni í lífshlaupinu lokið það var síðasti dagurinn í dag.Ég fór 12 sinnum í göngu á þessum 3 vikum alls 1335 mínútur sem er bara ágætt finnst mér. Það var ákveðið í vinnunni að fara saman í göngu á Akrafjallið í gær það mættu fáir og sennilega fer ég frekar einn en að fara aftur með þeim sem skipulögðu þetta enda var þessi ganga hálf einmanaleg en hún fer í reynslubankann. Fór svo á Háahnjúk seinnipartinn var 40 mínútur upp 65 mínútur báðar leiðir sem er gott miðað við færð hjá mér.