Þá er nú bara að bíða eftir næsta sumri svo við getum farið að gera eitthvað af viti þarna í skjólinu okkar. Þessi mynd var tekin þegar við vorum búnir að mála litla húsið okkar. Áttum svo sannarlega skilið að setjast aðeins niður og slappa af.

Ég setti könnun hérna á síðuna og hún segir allt sem segja þarf um þá sem kíkja hérna inn. Eitt atkvæði komið og ég greiddi það sjálfur.

Annars er lítið að frétta af okkur fórum í bústað um síðustu helgi og það var mjög gaman að hafa alla þá sem mér þykir vænst um nálægt mér á sama tíma, þetta er orðinn nokkuð stór og glæsilegur hópur sem við Kristín eigum og erum við mjög stolt af honum.

Ég held mínu striki í sambandi við hreifinguna ætla að halda áfram að ganga á fjöll og reyna að fara að hlaupa eitthvað líka. Eina vandamálið hjá mér er hvað mér finnst gott að borða mikið,og helst óhollt. En þetta kemur vonandi.

Annars farið vel með ykkur og hugsið um spurninguna mína .  

Ef maður ætlar að rifja eitthvað upp af því sem gerðist á síðasta ári er hætt við því að eitthvað gleimist .

Helstu punktar.

 Fjölskyldan. Það fjölgaði um tvær stúlkur á árinu og þau eru orðin 5 barnabörnin  þannig að                                   hópurinn er orðin 13 stykki alls.  

Vinnan.        Vinnan gengur vel byrjaði í námi sambandi við vinnuna fyrir ári það gengur vel. Og svo                      fékk ég stöðuhækkun í haust og mér líður vel í vinnunni.

Áhugamálin. Taka langmestan tímann. Öll markmið náðust með glans. Fyrir utan eitt. Sem var                                frestað.

Heilsan.       Hún er í góðu jafnvægi.

Skjólbrekka. Þetta er að verða alvöru. Erum búinn með grunninn og framhaldið verður skoðað með                       vorinu.

Þakklæti.    Ég er innilega þakklátur því fólki sem hjálpaði mér og vann með mér á árinu það er gott                     að vita til þess að þegar maður biður fólk um eitthvað eru allir tilbúnir að aðstoða mig                          eins og kostur er. 

2013           Verður í heildina gott og góður grunnur fyrir framtíðina.                                                                                                                                                                                         

Gleðileg jól þið sem villist hingað inn. Það eru búin að vera doldið mikil matar jól hjá mér en eitt árið og ég er ekki að ná því að höndla allan þennan mat, kökurnar og sælgætið sem fylgir þessum árstíma. Svo er maður allt árið að vinna í því að ná þessu til baka.Svona hefur þetta oft gengið og maður lærir ekkert af reynslunni. En það er bara svo gott að sleppa sér í svona át svo það þýðir ekkert að vera að velta sér uppúr þessu. Enda fer það mér vel að vera doldið þéttur. (segir Kristín)

Hef ekki tíma til að skrifa meira í bili Kristín var að taka ís úr frystinum.

Ég skrapp til Reykjavíkur núna seinnipartinn. Það var svakaleg umferð í bænum og mikið af fólki í verslununum sem ég fór í. Að versla fyrir jólin er það leiðinlegasta sem ég geri og það sem pirrar mig mest er hvað fólk er tillitslaust gagnvart hvort öðru það æðir áfram og treðst og aðrir standa í hópum og það er ekki hægt að komast framhjá án þess að troðast. Ef ég fer að versla veit ég fyrirfram hvað ég vil, kaupi það og kem mér út og þess vegna voru það kannski mistök að vera að fara á þessum tíma að versla. Svo annað umferðarmenningin það er alveg sérstakt lán að fleiri séu ekki að drepa sig í umferðinni. Menn eru að taka framúr á ólíklegustu stöðum og á leiðinni suður sá ég tvö atvik þar sem ekki mátti tæpara standa og það var ekki aksturhæfileikum framúrkeyrsluökumannanna að þakka að ekki varð stórslys. Svo er annað það er mikið um að menn gefi ekki stefnuljós ég skil ekki alveg hvað er í gangi allavega Borg óttans stóð undir nafni í dag.

Ég fór uppá Akrafjall í morgun þriðja ferðin þessa vikuna gott göngufæri í dag en það er búið að vera varasamt undanfarið. Svo er ég líka búinn að vera duglegur að smakka (borða) smákökur svona til að hafa jafnvægi á hlutunum.

Nóg í bili, slappiði svo aðeins af þetta skiptir engu máli það koma alltaf önnur jól svo þá má alltaf gera betur.

Á landleið eftir góðann dag á innfjarðarrækjunni.

Þessi var tekin um borð í Jóni Pétri. Svakaleg veiði þennan dag komnir í land um hádegið með fullt dekkið af rækju.

Þetta er einn af þeim dögum sem maður ætti að hafa sig hægann og vera ekki mikið að tjá sig. Ég var á næturvakt og er kominn fimm daga frí og eins og staðann er einmitt núna er ég ekki að fara að gera neitt er bara húðlatur með höfuðverk og strengi í öllum líkamanum . Djöfulls ástand !  Annars er þetta sosum eðlilegt þar sem ég er lítið búinn að sofa verð betri á morgun. Ég sauðaðist aðeins út á rúntinn áðan og tók nokkrar myndir því ekki gengur að láta það eftir sér að breiða upp fyrir haus í svona veðri.

Hitti pabba þegar hann var að koma úr húsunum.   Sprækur kallinn

Þetta ætti að vera til í hverju fangelsi.

Tók þessa niðrá Breið af hálfvitanum.

Myndaði líka heilvitann og fylgir með drasl sem er þarna niðurfrá, en ég er hissa á því hversvegna umgengnin er svona eins og hún er. Þar sem þetta svæði hefur uppá margt að bjóða.

Fylgir ein af Heiðarhorninu en þarna upp hef ég farið nokkrum sinnum. Síðast í sumar með Gunnari frænda og Fána í rigningu og skýjuðu veðri og ekkert útsýni.

Gott í bili og ekki missa ykkur í jólastressi .

Það er búinn að vera skítakuldi undanfarið þannig að ég hef haft litla nennu til þess að fara í fjallgöngur. Ég fór þó í dag og fór uppá Háahnjúk ég fór upp hjá Rein og þurfti að príla svolítið . Það leit vel út frá jafnsléttu að fara þarna en þetta var mun verra en ég bjóst við þá aðallega vegna hálku. 

Gott í bili farið vel með ykkur .